दिनेश कुमार शर्मा ,सिरहा ३० । सिरहाका अखिल नेपाल राष्ट्रिय स्वतन्त्र विद्यार्थी यूनियनले ज्ञापनपत्र जिल्ला प्रशासन कार्यालयमा बुझाएको थिए । हाम्रो देश नेपाल परापूर्वकाल देखि नै विभिन्न जातजाति, भाषाभाषि, धर्मसंस्कृति, रितिरिवाज र परम्पराको अनौठो संगमको एउटा अखण्ड र सार्वभौम सम्पन्न राष्ट्र हुन ।
जिल्ला अध्यक्ष सुरेश कुमार यादव लगाइत विद्यार्थीले भने इसिरहा जिल्ला पनि विभिन्न इतिहासिक, धार्मिक, सांस्कृतिक, रितिरिवाज र परम्पराले भरिएका ऐतिहासिक गाथा बोकेका महापुरुषका प्रतिविम्व आम सिरहाली जनमानसमा अहिले पनि झलकिरहेको पाइन्छन् । धर्म सांस्कृतिक चाडपर्वका बेलामा हामीले एक अर्कालाई सम्मान गर्ने, माया गर्ने, भेटघाट गर्ने, एक अर्काको सुख समृद्धि र प्रगतिको कामना गर्ने गर्दछौ । हाम्रो आस्था अनुसारका देवी देवता, मठ मन्दिर, महाजिद र गुम्बा लगायतका ठाउँहरुमा पुजा पाठ गर्ने गछौं ।
हामीले एकले अर्कोलाई सुरक्षा, सम्मान, व्यवस्थापन दिनुको सट्टा हाम्रा केही उछङखल जमातले सो स्थलहरु नजिकै भिडभाड भएको ठाउँमा अनियन्त्रित मोटर साईकल चलाउने पुजा पाठ गर्ने आउने श्रद्धालु दिदी बहिनीहरुलाई जिस्क्याउने, अपमानित गर्ने जस्ता घुनित कार्यहरु गरिरहेको प्रति हाम्रो ध्यानाकर्षण भएको छ ।
त्यसता कार्यको हामी घोर निन्दा पनि गर्न चाहन्छौं । यस्ता गतिविधिहरुले सम्पूर्ण वातावरण नै खलबलाउने तथा नकारात्मक गतिविधिहरुले अझ प्रभाव पार्ने हुनाले यस्ता गतिविधिहरुलाई अविलम्ब बन्द होस र यसका लागि सम्बन्धित निकाय सरोकारवाला पक्षहरुले आ- आफ्नो जिम्मेवारी इमान्दारिताका साथ निर्वाह गरुन साथै सुरक्षा योजना बनाई चाडपर्व अवधिमा चुस र दुरुस्त सुरक्षाको प्रबन्ध गरिदिन हुन समेत अनुरोध गर्न जिल्ला अध्यक्ष सुरेश कुमार यादवले जानकारी दिएको छन् ।
