सिरहा । सिरहा अर्नमा गाउँपालिका वडा नं. १ मनहोर चौक स्थित गोलबजार नगरपालिका वडा नं. ३ बस्ने अं.वर्ष ३१ को राम कुमार पासमानलाई अबैध काठ तथा ट्रयाक्टर चालक सहित पक्राउ गरेको हो ।
ईलाका प्रहरी कार्यालय अर्नमा सिरहाबाट प्र.ना.नि. गोविन्द खत्रीको कमाण्डमा खटिएको गस्ती टोलीले गत राती अं.००ः२० बजेको समयमा गोलबजारबाट अर्नमा तर्फ जादै गरेको प्र.२-०१-००१ त.२५३२ नं.को ट्रयाक्टरमा अबैध काठ चोरी पैठारी गरी ल्याएको सिमल जातको बिभिन्न नाप साईजका १६ थान काठ (१४८.१३ क्यू फिट) र ट्रयाक्टर चालक सहित पक्राउ गरि जि.प्र.का. सिरहामा बुझाएको छ ।
सोधपुछ तथा अनुसन्धान गर्दा छुट पुर्जी लगायतका आवश्यक कागजातहरु नभएकोले ट्रयाक्टरमा अबैध काठ र चालक समेतलाई आवश्यक कारवाहीको लागि सव डिभिजन वन कार्यालय गोलबजार चोहर्वा सिरहामा बुझाइएको हो ।
