सिरहा, कार्तिक १७। सिरहाको मिर्चैया नगरपालिका वडा नम्बर ९ मा भगवानपुरका युवा समाजद्वारा विश्वकर्मा मन्दिरको शिलान्यास गरिएको छ ।
मिर्चैया नगरपालिका वडा नं. ९ घुर्मी खोलामा आज एक कार्यक्रमका बिच मन्दिरको शिलान्यास गरिएको हो । मिर्चैया नगरपालिकाका युवा नेता अजय साहको र विश्वकर्मा मन्दिर निर्माण समितिका अध्यक्ष सते महतोले आज संयुक्त रुपमा मन्दिरको शिलान्यास गर्नुभएको हो ।
उक्त राजमार्ग सँगै घुर्मीबजार नजिकै नयाँ मन्दिर निर्माण गर्न लागिएको कार्यक्रममा गोलबजार नगरपालिका वडा नं. ९ का निर्वतमान अध्यक्ष रामपुकार कामतीले जानकारी दिनुभयो । एकवर्षे भित्र निर्माण सम्पन्न गर्ने लक्ष्य राखिएको सो मन्दिर निर्माणका लागि करिव २ लाख रुपैयाँ सहयोग आएको हुने अनुमान गरिएको छ ।
मन्दिर शिलान्यास कार्यक्रममा मन्दिर निर्माण समितिका सचिव बिटु सिंह लगायतको उपस्थिति रहेको थियो ।
