काठमाडौं । मधेशका युवाहरूको एक सक्रिय समूहले काठमाडौंमा मधेश पुस्तकालय तथा अनुसन्धान केन्द्र सञ्चालनमा ल्याएका छन् ।
काठमाडौंको आलोकनगरमा उनीहरूले आजदेखि मधेश पुस्तकालय तथा अनुसन्धान केन्द्र सञ्चालनमा ल्याएका हुन् ।
पुस्तकालयमा मधेश, देश र विश्व अनि विभिन्न क्रान्ति, संघर्ष र दर्शनसँग सम्बन्धित किताबहरू राखिएका छन् । यसका लागि किताब र आर्थिक सहयोग संकलन अभियान चलाइएको थियो ।
यो अभियान निरन्तर रहने र पुस्तकालयलाई थप व्यवस्थित अनि विकसित गर्दै लैजाने योजना युवाहरूको छ । मधेश पुस्तकालय तथा अनुसन्धान केन्द्रले मधेशको विषयमा खोज र अनुसन्धानहरू समेत गर्नेछन् ।
मधेश पुस्तकालय तथा अनुसन्धान केन्द्रको उद्घाटन सबै जना मिलेर रिवन (फित्ता) काटेका थिए । प्रवेश गरिसके पछी मधेश शहिदहरूको चिर शान्तिका लागि मौन धारण समेत गरेका थिए ।
यसको उद्घाटनको अवसरमा आज ‘मधेशमा शिक्षा’ विषयक अन्तरक्रिया कार्यक्रमसमेत राखिएको थियो । अन्तरक्रिया कार्य्रक्रमका लागि वक्ताहरू सिएन थारु, सोहन साह, र संघर्ष दहाल रहेका थिए। वक्ताहरूले यो प्रयासको सराहना गरेका छन् ।
