दिनेश शर्मा । सिरहाको मारुती सिमेन्ट उधोगको अगाडी यात्रुवाहक बस दुर्घटना हुँदा दुई जनाको मृत्यू भएको हो , भने २५ जना घाईते भएका छन् । घाईतेमध्ये ३ जनाको अवस्था गम्भिर रहेको छ । आईतबार दिउँसो करिब २ः१५ बजेको समयमा सप्तरी राजविराजबाट जनकपुरतर्फ जाँदै गरेको यात्रुबाहक बस दुर्घटनो भएका छन् ।
राजविराजबाट जनकपुरतर्फ आउँदै गरेको ना ४ ख ७१८७ नम्बरको यात्रुबाहक बस अनियन्त्रित भएर दुर्घटना भएको ईलाका प्रहरी कार्यालय मिर्चैयाले जनाएको छ ।
ईलाका प्रहरी कार्यालय मिर्चैयाका डिएसपी जीतेन्द्र बस्नेतका अनुसार, दिउँसो तीब्र गतिमा चलाएको बस अनियन्त्रित भएर दुर्घटना भएको प्रत्यक्षदर्शीहरुले जनाएको छ । दुर्घटनामा दुई जनाको मृत्यू भएको छ । उनीहरुको सनाखत अझै हुन सकेको छैनन् ।
बसका चालक र बस मिर्चैया प्रहरीको नियन्त्रणमा रहेको प्रहरीले जनाएको छ । यस घटनाबारे अनुसन्धान सुरु गरिएको डिएसपी बस्नेतले बताए ।
